12 niu trak blong health

Twelve niu trak bae i provaedem health seves long ol pipol blong Vanuatu.

Asian Development Bank i givim ol trak ia long wik ia long Port Vila mo mani hemi pat long VT1 billion blong strengthem health sekta.

Minista blong Health, Honoroble Silas Bule, i talem se transpot hemi bigfala nid blong ol pipol long ol rimot eria.

Hemi talem se wei ia seves blong health i isi mo i kasem pipol.

Hemi wan longtaem cry blong ol helt woka long rural areas from transportation hemi wan long ol bikfala challenge blong olgeta.

VBTC Nius i bin kasem Torba Provins mo harem plante lokol pipol i talem se oli stil stragol blong kasem health seves from rod i nogud mo sam oli liv long ol rimot eria.

Asian Development Bank i talem se ol trak ia bae i help blong transpotem ol vaccine blong COVID blong mekem sua se isi akses long pipol.

Mo tu blong provaedem ol nara seves blong health.

Minista Bule i talem se tu trak oli givim finis long Torba provins taem oli bin ko blong lonjem COVID-19 vaccine long eli Novmber long Sola, Vanualava.

Tu trak bai i stap nomo long Port Vila, wan bai tim blong survilens bai oli yusum long taem blong COVID-19 contact tracing mo narawan bae olgeta long Helt Promotion bai oli yusum.

Nara tu trak bae i ko long Malampa, tu i ko long Sanma, wan trak i ko long Penama, wan i ko long Tafea mo nara tu trak bai i stap long Shefa provins.

Minista Bule i talem se aot long VT1 billion ia too, bae Asian Development Bank i save kivim tu ol boat mo camiong blong helt i yusum long ol seves we oli stap provaedem long ol pipol.

 

 

 

 

 

(Visited 181 times, 1 visits today)

About The Author

You might be interested in