Fes 14 crew blong wok long turis boat

Fes fourteen lokol crew memba i livim kaontri long wik ia blong wok long turis boat afta long tu yia.

Carissa Jacobe, Managing Director blong South Sea Services i talem se long next tri o fo manis bae moa Ni- Vanuatu i ko wok long turis boat.

“Agent we i haerem pipol blong ko wok long ol turis bod i talem se demand blong wok i bigwan mo hemi stap lukluk blong sendem ova 100 pipol long next tri manis,” Ms Jacobe i talem.

” Vanuatu i laki blong gat koneksen wetem ol kampani we oli onem ol cruise ship. South Sea Services olsem agent i risivim moa kol mo aplikesen.

“Long en blong dei mani we oli karem i impruvum laef blong ol famili.”

Ms Jacobe i talem tank yu long evriwan we oli help aot blong mekem ol fes crew i ko wok long Pacific Explorer.

“Hemia i fesfala 14 crew bambae i gat moa yet long ol manis i kam blong oli ko wok long ol cruise ship,” Ms Jacobe i talem.

Hemi hard blong mifala i sendem olgeta i ko be wetem sapot blong kavman mo long praevet sekta oli save mekem i isi blong ko ovasi.”

Ms Jacobe i talem se ol crew ia bae oli spendem nine manis long solwota bifo oli kam spel.

(Visited 875 times, 1 visits today)

About The Author

You might be interested in