18 candidate shotlist-Air Vanuatu CEO

Bod blong Air Vanuatu hemi wantem vinisim rikruitmen blong niu Chief Executive Ofisa long manis May ia.

Folem advertisement ia i bin gat 92 interest aplikesen from position ia, aot long 92 applicants ia, proses hemi tekem daon candidate i ko long 42 long phase 2 blong ol asesmen proses.

Aot long top 42 candidates, i gat 18 candidate long top post.

Jeaman blong Bod, Willie Kalo Daniel hemi konfemem se bod hemi lukluk tru long ripot blong rikruimen finis mo i stap lukluk naoia blong selektem best candidate blong final interview blong post blong Chief Executive Ofisa.

Mo hemi talem se oli wantem completim proses ia long manis ia nomo, proses ia hemi bin stat finis long en blong last yia.

Director blong Tourism Dipatmen, Paul Pio hemi talem se oli stap luk forward long niu Chief Executive Ofisa we bae i kam blong wok kolosap wetem olgeta.

“Yumi wantem wan man we bae i save wok gud wetem Private Sector mo Kavman; Hemi andastanem strakja long hao kavman hemi wok blong save sapotem national airline blong yumi,” Mr Pio i talem.

“Strong backgraon we hemi kam hemi save kat wan gud copereit finans backgraon tu blong helpem yumi long finans pat blong airline blon traem sefem bak airline blong yumi. Mifala i luk fowod blong man we i tekem ap posisen ia bae i wok tugeta wetem Ministry blong Tourism mo Trade anda long Vanuatu Tourism Ofis mbe tu Vanuatu Chamber blong Commerce, ol Aid Donor blong yumi mo yumi luk fowod blong wok wetem hem.”

Proses blong rikrutum niufala Chief Executiv Ofisa hemi bin stat long en blong las yia, hemia afta we curent bod hemi karem aot foma CEO, Atu Finau.