Malekula i rikodem 21 niu COVID kes long wik ia.
Malampa Public Health Manager, Salome Kenneth i talem se ol kes ia 17 long Tautu vilij long Central Malekula, tu long Lakatoro skul mo tu kes hemi ol health staff.
Mrs Kenneth i talem se ol pipol ia oli stap long kwarentin naoia afta long contact tracing.
Hemi talem se folem wan fon kol we oli kasem long Lakatoro skul, oli bin ko mekem COVID tes mo tu pipol i positiv.
“Wan hemi wan studen mo nara wan hemi wan tija,” Mrs Kenneth i talem.
“Ol staff oli bin mekemm sam tes mo faenem tu i positiv.
“Naoia survilens tim blong Malampa Helt i stap mekem yet investigations mo ol no sua yet long hao nao COVID i pas. Be i bin gat tri boda kes we oli bin rilisim olgeta long wiken.”
Malampa Public Health i apil long population blong Malekula blong kontinu praktisim helt mesa olsem washem hand wetem sop, aplaem social distancing mo wearem mask taem wokbaot long pablik eria.
