37 arest long Port Vila

Vanuatu Police Force i arestem 37 saspek we oli komitim ol crime long Krismas selebresen long Port Vila.

Hemia stat long number 23 kasem 28 December.

Vanuatu Polis Force Media Unit i talem se bigfala arest ia hemi olgeta we oli yusum marjiana, oli pat long raorao o domestic violens, oli mekem noise, damej long property mo steal.

Long ol arest ia i kat tu wan we oli arrstem hem from hemi traem blong rape.Police Information i talem se bai hemi pas long Magistrate court tete. Ol nara arest bae oli apear long court long Friday Decemba 31 mo January 4 2022.

Sergeant Rayndol Ala, Communication Liason Ofisa blong Polis Crime Unit, i talem se naoia fasen blong wok blong polis i jens mo hemi impoten blong talem no long crime.

Hemi talem se Polis Operation Noel bae i run tru long sam prosija sapos hemi stap anda long investikesen.

“Bae taem polis i tekem wan man i kam daon long Polis Station, hemi investikeit mo taem hemi leko yu ko, hemi bailem yu semtaem we i minim se taem u kamaot kalapus, oli kivim wan pis pepa long wanem taem stret nao yu pas kot,” Sergeant Ala i talem.

“Mo bambae hemi nomo olsem oltaem we yu kambak wet blong oli givim wan notis long yu se taem ia bae yu ko long kot.”

Ol toksave blong Vanuatu Polis Fos ia hemi pat blong Opereson Noel blong mekem sua se ol sitisen blong kaontri oli selebretem bikfala dei wetem pis mo laef long sef peles oltaem mo blong komuniti i mas tekem onasip blong lukaotem gud ol memba blong komuniti blong hem.

Police i talem thankiu i ko long ol pipol we oli asistim polis long operation blong hem.

 

(Visited 840 times, 1 visits today)

About The Author

You might be interested in