53 percent i tekem seken COVID stik

Araon 53 percent blong ful populasen blong Vanuatu i tekem seken stik blong COVID-19.

Beis long data blong Ministry blong Health, 73 percent i tekem wan stik blong meresin.

I kat 215,211 dos blong COVID-19 vaccine oli stikim finis ol pipol long hem raon long Vanuatu.

Long Shefa Provins, we i gat wan total population blong 57,103, araon 80 percent i fuli vaccinated, 94 percent i tekem at least one dos mo 9 percent i tekem finis booster dos.

Long Port Vila, total population blong 31,095, 82 percent i tekem tugeta stik, 97 percent  i tekem nomo one stik mo 11 percent i tekem boosta dose.

Sanma we i gat wan total population blong 28,497, percentage blong ol pipol we i fuli vaccinate hemi 79 percent, 92 percent i tekem wan dos nomo.

Tafea i kat 20,198 populasen, almost 40 percent i fuli vaccinate mo 48 percent i tekem fes stik.

Long Malampa provins, total taget populasen 17,768 pipol, 47 percent i tekem seken stik mo 80 percent i tekem one stik nomo.

Penama provins wetem total population blong 16,659 pipol, 45 percent i tekem two stik mo 52 percent i tekem nomo one stik.

Long Torba  population we hemi 6,198 pipol, 73 percent i tekem seken stik mo 81 percent i tekem one dose nomo.Ol fika, Ministry blong Helt i rilisim long wik ia.

Bosta dos i no rolaot yet long ol nara provins yet.