57 ballot box-Malampa

57 Ballot box i kasem Malampa long wik ia

Commander Malampa Polis Patrol, Jif Inspector Davis Saravanu i konfemem long VBTC Nius.

Jif Inspector Saravanu i talem se ol ballot box ia bae i ko long ten eria Council blong Malekula, Ambrym mo Paama.

Malekula i kat 36 Polling station. Ambrym i kat 15 mo Paama i kat 6.

“Transpot long sam ples rod i nogud, fes diploymen long helicopter tete wetem ol presiding ofisa blong ol polling station.

Mr Saravanu i talem se bae oli ko long Saot East Malekula, Ambrym mo Paama.

“Sam ples we no posibol bae i ko bot. Mo bae Malampa polis i wok wetem hedkota blong ol balok box ko long taem bifo eleksen.

“Afta long eleksen bae evri ballot box bae i sef kasem taem yumi muvum i kambak from ol polis bae i station long wan polling station.

“Ol eria we i stap kolosap bae yumi tekem ol ballot box i kam long Lakatoro long semak dei nomo.”

Mr Saravanu i talem se Friday aftanun olsem eberi ballox box i sud stap vinis long Lakatoro.

“Olsem Commanda Malampa, mi wantem apil long ol citizen se provins bae i mek sua se sefti mo security blong balot box i sef,” Mr Saravanu i talem.

“Security bae i taet mo evri polling station bae i kat ol polis ofisa,” Mr Saravanu i talem.

“Plis rispektem raet blong wan man we constitution i givim long hem mo no mislidim man. “Eleksen ia i mas ran smooth long malampa.”

Malekula i kat seven seat mo 15 candidate i kontestem.  Ambrym i kat tu seat mo six candidate i kontes.  Paama i kat wan seat mo eight candidate i kontestem.

Vota population long Malampa i ova long 300,000.

(Visited 226 times, 1 visits today)

About The Author

You might be interested in