800 rijista from eye surgery

Ova 800 pipol i rijista blong ko long fri Eye Surgery operation long Port Vila long June kasem July be Eye Nurse long Eye Clinic long Vila Central Hospital, Monique Tari, i talem se bae oli nosave mitim from limit fund.

Ms Tari i talem se wetem limit fund blong VT800,000 we Fred Hollows Foundation New Zealand i givim bae i luk long eye operasen blong 300 pipol.

“Long taget blong 300 pipol ia, prioriti bambae hemi olgeta we oli blind,” Ms Tari i talem.

“Olgeta we oli kat lelbet vision o save lukluk gud yet bae oli wet long neks operation long August long Pauna.

“Spesel Operation ia bambae hemi stat long June 20 kasem namba July 1.”

Ms Tari i talem se i mas kat gud funding blong program blong seves hemi kasem evri wan.

Long nekis wik bambae hemi makem namba tri taem nao we Vila Central Hospital hemi karem aot bigfala eye operasen olsem long taem blong COVID pandemic.

Onli Dokta blong eye long kaontri, Johnson Kaso i bin talem se sik suka long eye i wan national crisis naoia.

Mr Kaso i talem se sik sugar long eye i kosem plante pipol blong blind.

 

 

 

(Visited 230 times, 1 visits today)

About The Author

You might be interested in