Brenwei Hydro site long Malekula -No visit

Community Advisory Comuniti blong Brenwei Hydro Projek long Not West Malekula i talem se pablik i no alao blong visitim projek site from i no sef.

Eria Administrator blong Not West Malekula, Jerryson Hosea, i talem long VBTC Nius se ren i stopem wok blong projek ia mo ren i mekem ples i klis.

Mr Hosea i talem se long steij naoia, eria ia pablik ia i no alao blong ko long hem.

“Akses rod blong ko daon long projek site hemi so risky,”Mr Hosea i talem.

“Pipol i save kasem aksiden o even i save kosem laef blong olgeta from ples ia hemi denjares blong man hemi ko daon.

“From plante ren i mekem ples i klis. Mi olsem eria administrator mo Jeaman blong Community Advisory Committee blong Brenwei  mi stap mekem wan pablik anaonsmen i ko long pipol we oli liv raon mo olgeta we i travel longwe sapos yu stap tinktink blong visitim hydro projek, at this steij hemi no sef yet.

“Kasem taem we kontrator hemi notis se hemi then ol visit i save ko hed. Naoia wok i stop bae i stat bakeken long January 5, mo eria i out of bound from i nokat man blong asisitim yu, sapos yu kasem wan aksiden,

“I kat ol security nomo i stap.”

Mr Hosea i talem se long wik ia committee i bin kat miting long Not West Malekula blong lukluk long ol konsen ia.

“Miting ia projek contractor i bin givim sam apdeit blong wok,” Mr Hosea.

“Ol pipol we oli stap wok ia oli wok rili had mbe wan jalenj nao hemi ren from nomo rod akses blong transpotem ol materiol i ko daon i no sef.

“May wok i sud vinis long site mo kontrator i talem se ol fes shipmen blong poline i sud kam long eli nekis yia.”