VBTC hemi blong yumi evriwan

Vanuatu Broadcasting mo Television Corporation (VBTC) hem i nasonal brodkasta blong Vanuatu. VBTC hem i brodkastem ol strong nius, eduketem mo provaedem entatainmen i ko long populesen blong Vanuatu tru long radio, television mo online.

Hem i stap olsem only emejensi brodkasta.

Ni-Vanuatu pipol i mekem nius blong VBTC, blong olgeta pipol blong Vanuatu. Hem i wan forum blong olgeta pipol blong Vanuatu blong kivim tingting, vois mo konsen blong olgeta long politik, kalja mo developmen blong Vanuatu.

Histri

Ol bakraon blong VBTC i ko bak long Radio Vila Stesen, we hem i bin brodkas long Fes Wol Woa. Stat long 1966, Radio Vila hem I brodkas long wan niu transmita long Malapoa Point, aotside long Port Vila.

Oli bin jenisim nem Radio Vila i ko long Radio New Hebrides Broadcasting Seves long 1977 mo hem i kam Radio Vanuatu long Independence long 1980.

VBTC hem i kam wan koporesen long 1993 wetem eim blong mekem bisnis blong kasem mane. Loa we i lukaotem VBTC hem i  Broadcasting and Television Act we hem i kam anda long kea blong Prime Minister we hem i minista responsibol long broadcasting.

Television Blong Vanuatu hem i only nasonal television brodkasta we hem i bin stat blong brodkastem nius, karen afeas mo spot long Port Vila long 1993.

Long 2009, VBTC hem i lonjem Paradise 98FM blong hem blong expandem radio brodkas blong hem. Hem i wan komesel music mo yut stesen. Mo long 2019, VBTC hem i lonjem fes Pacific radio stesen blong woman –  Femme Pawa 99FM – hem i blong alaowem ol pipol blong Vanuatu  mo ol woman blong serem tingting mo stori blong olgeta.

Kavanans

Kavman hem i onem VBTC be hem i lukluk long on editoriel mo nius brodkas we hem i fri long ol influens aotside. Fanding blong VBTC hem i kam long Vanuatu Kavman, Foren Eid mo tru long advetaesing reveniu long ol Kavman Dipatmen mo ol komesel advetaesa.

Wan bod we Vanuatu Kavman hem i appointem, hem nao i ovalukim wok blong VBTC.

Bod memba we oli stap naoia

1. Chairperson – Dr Gregoire Nimbtik ( Director-General Office of the Prime Minister)
2. Director – Mr. August Letlet (Director-General Ministry of Finance)
3. Director – Mr Gerard Metsan (Chief Information Officer OGCIO)
4. Director – Mr John Jack (Deputy Chief Information Officer OGCIO)

Manejmen tim

1. Chief Executive Officer – Francis Herman OAM
2. Editor News, CAF and Sports – Mrs. Malonie Albert
3. Executive Producer Television – Mr Rick Malau
4. Executive Producer Radio – Ms Marie-Noelle Kaltack
5. Human Resources Officer – Ms Lilon Bongmatur
6. Technical Services Officer – Mr Warren Roberts

Kontaktem mifala

Jenerol, advertising mo job enquiries

Phone: 22999
Email: admin@vbtc.vu

News and media releases

Phone: 23614
Email: news@vbtc.vu