Agriculture farming trening long Israel

Twenty Ni-Vanuatu agriculture studen i trein long hao blong yusum graon long wan farm long Israel.

Chief Executive Ofisa blong Agriculture College long Santo, Peter Napwatt, i talem se ol studen ia oli pat long Arava international center blong training blong tinktink moa long wok blong agriculture.

Hemi talem se hemi wan agrimen bitwin Vanuatu mo Israel blong trenem ol yangfala i save moa long agriculture farming.

Mr Napwatt i talem se fes 10 ia nao oli bin aot long 2019 mo kambak long 2021.

“Mein konsen long kaontri naoia hemi inkris kes blong Non-Communicable Disease(Sik suga/hae blad presa) mo blong solvem yumi mas kobak long agriculture,” Mr Napwatt i talem.

Mr Napwatt i talem se Vanuatu hemi sud concentrate moa long saed blong commercial farming.

“Ol training we i yangfala oli kat long Israel ia hemi givim klia lukluk long bigfala impotens blong wan i mas farm long graon,” Mr Napwatt i talem.

“Vanuatu hemi no mekem gud use yet long ol risos naoia.  Kol tu blong kavman i mas kam in bigwan blong sapot blong inkrisim namba blong ol studen blong tekem pat long trening ia.”

(Visited 31 times, 1 visits today)

About The Author

You might be interested in