Air Vanuatu asesmen

Wan Australian asesmen tim i kat 30 dei blong mekem wok long Air Vanuatu operation.

Air Vanuatu i talem se Projek tim blong Australia bae i statem wok long January ia blong lukluk long financial position blong airline, operation mo demand blong kastoma.

Prime Minista, Ishmael Kalsakau i konfemem se kavman blong Australia bae fandem projek ia.

Hemi talem se mein eim hemi blong international airline expat i lukluk bak long operation naoia mo givim ol tinktink i kobak long owna blong airline we hemi kavman.

Hemia i folem wan akrimen bitwin Australian Department of Foreign Affairs mo Trade wetem kavman long fand blong airline rapid assesmen projek blong impruvum airline olsem wan prioriti.

Projek ia i kat wan seken phase blong 45 dei blong tim blong Australia i wok wetem managemen mo bod blong airline blong lukluk bak long human risos, sefti mo trening.

Air Vanuatu i talem se taem oli givim in ol tinktink blong olgeta, disisen long futja blong airline bae kavman i mekem.

Niu kavman i akt kwik blong apointem niu bod blong airline long Decemba 12 las yia mo long eli 2023, Air Vanuatu Chief Executive Officer (CEO) Atu Finau oli karemaot hem mo putum foma Air Vanuatu CEO, Joseph Laloyer.