National Airline i lukluk long niu strakja

Wan stadi hemi tekem ples blong dividem Air Vanuatu operation.

Chief Executive ofisa blong Airline hemi rispon long email blong tokbout plan ia.

Nogat ditel hemi kamout folem plan ia be Atu Finau hemi talem study hemi stap long hand blong bord mo sheaholda.

“Demerge stadi oli mekem finis mo oli presentem i ko long Board mo sheaholda blong review mo considarem. Yumi stap wet naoia long disisen mo direksen blong ol sheaholda we oli wantem tekem,” Mr Finau i ansa long email.

VBTC hemi karem infomesen se airline bai hemi dividem operation blong Domestic mo International.

Long email Mr Finau hemi konfemem tu se Airline hemi stap lukluk long ol difren funding sos blong pem ol new plen.

“I kat olgeta diferen funding sos we board hemi stap evaluetem mo managment bai hemi folem ol disisen we oli mekem. Be long saet blong AV12, me nosave komen tumas long hem folem ol legal isu be board hemi stap diskasem wetem owna blong AV12 blong resolvem mo adresem outstanding paymen,” Mr Finau i ansa

Hemi talem tu se main issue behind increase price blong Air fare hemi fuel be hemi no respond directly long weta money we Airline i savem afta we oli putum out ol staff mo paycuts since 2020 hemi shud coverem up spending long fuel mo downem airfare.

“Major(Bigfala) konsen blong Air Vanuatu mo eni airline hemi inkris long fuel praes mo adjustmen hemi blong help adresem inkris fuel cost ia,” Mr Finao i ansa.

I kat fulap kwesten we VBTC Nius hemi traem blong karem ansa long hem be from Mr Finau hemi no agri yet long wan fes tu fes interview.

Wan schedule interview blong May 19th hemi bin delay kasem long June 14th we hemi Tuesday wik ia, be bakeken Mr Finau hemi no bin abol blong stap blong rispon long ol kwesten ia.

VBTC Nius hemi bin sendem sam kwesten long email i ko long Air Vanuatu Chief Marketing Ofisa, Greg Wilson bifo interview blong oli kat klia tingting long interest blong interview, be interview i no hapen from Mr Finau i kat wan diferen miting.

Mo oli sendem ol brief respond long email.

(Visited 444 times, 1 visits today)

About The Author

You might be interested in