Air Vanuatu domestik flaet kansel-No pilot

Evri domestik flaet blong Twin Otter plen blong Air Vanuatu i kansel tete from i nogat pilot blong flaem plen.

Ol information we VBTC Nius i karem long Air Vanuatu se pilot risponsibol hemi no save flyem plane from hem bin flae ful dei long yestete(Monday). Mo i no sef blong hemi flae bageken tete.

Pilot Philip Wylie hemi mekem moa long 10 haoa yestete mo fes flaet tete hemi schedule blong 6am.

Hemi twin otter YJ-RV10 we hemi sud flae tete moning Norsup, Santo, Craigcove, mo ol nara noten pot.

I kat tu captain nomo blong twin otter plen be wan hemi bin resign tri wik i pas.

Long rul blong Civil Aviation Authority, tu pilot i alao blong flae 10 haoa nomo long wan dei. Mo hemi nidim 12 haoa rest bifo nekis flaet. Mo Mr Wylie i no mitim 12 haoa ia mekem se hemi nosave flaem plen.

VBTC Nius i stap traem blong karem wan komen long Air Vanuatu Management.

Mo apdeit long VBTC Nius.