Air Vanuatu in-flight COVID protokol i apruv

Ministry blong Health i apruvum vinis ol in-flight COVID-19 protokol blong Air Vanuatu.

Spoksman blong COVID-19 Advisory Team semtaem Daerekta blong Pablik Helt, Len Tarivonda, i talem se hem ia hem i wan bigfala ajivmen folem tu wik blong consultation bitwin Air Vanuatu mo Ministry blong Health.

“So naoia we ol priboding mo in-flight protokol blong Air Vanuatu hem i apruv. Bambae ol protokol ia i ko long National Disaster Management Office blong hem i fomoli endosem bifo Air Vanuatu hem i save yusum blong mekem ol flaet folem COVID-19 prevensen mo kontrol,” Mr Tarivonda i talem.

Mr Tarivonda i talem se olgeta protokol ia hem i blong talem stret wanem bae hem i hapen wetem ol pasenja bifo oli bordem plen blong kambak long kaontri.

“Bambae long wik ia, bae NDMO hem i diskasem ol flaet schedule we Air Vanuatu bae hem i mekem wetem ol cargo flaet blong hem blong mekem se yumi save kliali mapem aot wij wan long ol flaet hem i blong cargo mo wij wan blong ripatriatem ol pipol blong yumi,” Daerekta Tarivonda i talem.

“Sam long yumi oli wantem ol infomesen ia mo mi wantem talem se bambae veri soon bambae ol infomesen ia i sud be availabol long website blong Air Vanuatu blong mekem se yumi everiwan i klia long repatriation plan blong Kavman long tisfala seken phase.”

(Visited 52 times, 1 visits today)

About The Author

You might be interested in