Air Vanuatu niu flaet schedule

Air Vanuatu i lonjem niu intanasonal flaet schedule blong hem long wik ia.

National Airline i inkrisim namba blong ol flaet folem opening blong boda long July 1st.

“Long niufala flaet program ia mifala i inkirism wikly flaet long evri destinesen we airline bambae i go long hem stat long July 1,” Graig Wilson, Air Vanuatu Commercial Manager i talem.

“I gat flaet i ko long Fiji, New Zealand, Australia, New Caledonia mo Tuvalu. Ol flaet ia i no karem ol pasenja nomo be i transpotem ol cargo mo hemi wan gud nius long evriwan.”

Chief Executive Ofisa blong Air Vanuatu, Atu Finau, i hapi long disisen blong boda open.

“Ol bisnis mo pipol blong Vanuatu, mi wantem talem tank yu bigwan blong gat trast long airline we yufala i onem,” Mr Finau i talem.

“Hemi bin long tu yia period we yumi lokdaon from pandemic be naoia boda bae i open mo evriwan i glad mo luk fowod long wanem bae i hapen.

Disisen blong Air Vanuatu i go bak long nomol operesen blong hem i dipen bigwan long ol stekholda blong hem.

“Air Vanuatu i mas talem tank yu long ol patna blong hem olsem Vanuatu Tourism Ofis, Airports Vanuatu Limited mo plante narawan we oli wok blong putum tugeta ol COVID plan blong wok folem taem boda i putum.

“Witaot imput blong olgeta ia bambae Air Vanuatu i nosave anaonsem niu prokram blong ol flaet blong hem ia.”

Air Vanuatu i talem se taem wok i stap tekem ples tu blong rilisim lelbet ol protocols blong airline i travel bitwin ol aelan long kaontri.

Air Vanuatu i konfemem 27 repatriation flaet naoia mo kasem en blong June.

I kat ova 1,500 travela wetem konfem tiket long taem ia.

Airline i remaedem ol travela se i kat mo spes long ol return flaet long June.

Air Vanuatu i talemaot infomesen ia afta long niu international flaet schedule we oli lonjem long wik ia.

 

 

 

(Visited 88 times, 3 visits today)

About The Author

You might be interested in