Ambrym komuniti i kat wota

Ova 2000 pipol long faev komuniti long Ambrym oli kat akses long wota system.

Minista blong Lands mo Natural Risos, Honoroble Edward Nalyal, i stap long Ambrym long wik ia blong mekem opening blong ol wota system ia.

“West Ambrym hemi wan eria we i oltaem fesem ol longfala period blong dry sisen, “Minista Nalyal i talem.

“Mo tu i nokat ol wota saplae system blong wan long taem.

“Malekula hemi semak; hemi wan bigfala aelan mbe plante vilij long aelan ia i nokat gudfala akses blong wota.”

Eric Durpeire, Pacific Chief blong Vanuatu Field Ofis, i talem se oli glad tumas blong patna wetem Vanuatu Kavman long ol impoten initiative ia we bai hemi helpem sapotem ol famili espeseli long taem we pipol i nidim gudfala akses long wota blong washem hand.

New Zealand ripresentativ i talem se oli kat bigfala honor blong fandem wota project ia.

Akses long wota hemi wan problem long plante aelan espeseli ol rimot eria, hemi wan kol ong ol pipol/espeseli ol women blong oli mas kat akses ia, plante oli mas wokbaut long distans blong kasem wota, mo taem i kat disasta mo ples i drae hemi had blong faenem wota.

Projek ia hemi hapen tru long sapot fand we i kam long New Zealand kavman mo technical sapot blong United Nations Children fund.

 

 

(Visited 129 times, 1 visits today)

About The Author

You might be interested in