Australia i sapotem Media blong Vanuatu

Kavman blong Australia i anaonsem VT 8 million blong help sapotem media long Vanuatu.

Hae Komisina blong Australia, Sarah de Zoetan i anaonsem sapot long wan reception we hemi organisem wetem media representativ, journalist long ofis blong Australian High Commission.

Hemi talem se “Mani ia bai i help blong givim trening mo wokshop blong buildim ap skill blong ol media praktisina.”

“Mrs de Zoetan i talem se hemi praod blong sapotem media long Pacific tru long Pacific Media Assistance Scheme (PACMAS) mo ol nara tinktink olsem Douglas Gabb intership wetem Australian Broadcasting Corporation mo Australian Award Scholarship.

Long respon, Presiden blong Media Association blong Vanuatu (MAV), Stevenson Liu i  talem se Pacific Media Assistance Scheme hemi impoten long Pacific mo Vanuatu from ‘Yumi lukim plante positiv impak blong ol activiti we hemi fandem long wok blong Media.”

“Mi beliv se sapot we i kam hemi impoten blong helpem lokol Media Association blong dil wetem ol jenis we Media i stap go tru long hem long kaontri,” hemi talem.

“Olsem Presiden blong MAV, mi luk fowod long gudfala partnership wetem PACMAS.”

(Visited 32 times, 1 visits today)

About The Author

You might be interested in