Island blong Tanna, bae i finaly fasilitatem blong gat Sister City relationship wetem city blong Mare long New Caledonia.
Mayor blong Mare, Pierre Mgaioh i confirmem long VBTC News se, importance blong kat Sister City relationship wetem city blong Mare hemi blong mekem se i save gat ol exchange i happen bitwin pipol blong tanna mo Mare.
Hemi gohet blong talem se, community blong Lifou long noumea i gat vinis sister city relationship wetem Port vila be long yia ia, oli wantem extenem relationship blong olgeta i go down long island blong Tanna long Lenakel.
Thinkthink blong kat sister city relationship wetem pipol blong lenakel hemi kam too after long damage blong cyclone pam long island ia we i lukim community blong Mare i helpem bigwan pipol long Tanna.
Mayor Pierre Magaioh i explenem thinkthink blong jusum island blong tanna blong expendem sister city relationship.