Long Solomon Islands, ABC Pacific beat i ripotem yestedei se Gavman i stat blong dil wetem problem blong littering, o toti long kaontri ia.
Ripot i talem se i gat ol yia we Capitol, Honiara, oli klasem hem olsem most doti citi long pacific.
Be reputesen ia Municipal Kaonsel blong Honiara i wantem jenisim.
Long wik ia nomo, kaonsel i stap putum ol hevy faen blong 10,000 solomon dola long eniwan we i sakem toti olbaot, o ino putum long tin toti o stret ples blong toti.
Mo tu Kaonsel wetem sivil society oli stap wok tugeta blong ranem ol aweanes program blong traim jenisim mentaliti o tingting blong ol man ples.