Wan long ol smallest Departmen long Gavman blong Vanuatu emi Department blong Women's Affairs, mo budget blong hem wan long ol smallest aot long ova all budget blong gavman.
Populesen we dipatmen ia i stap responsible long hem emi wan long ol biggest, spos i no bigest. I inkludim ol woman mo pipol we oli liv wetem disabiliti.
Long yestedei aftanun, Direkta Dorestay Kenneth Watson wetem ol ofis staf blong hem long Vila mo Shefa i shoem gladhat blong olgeta blong save risivim wan donesen blong 12 laptop mo ol aksesori blong hem.
Donesen ia Vanuatu representativ long UNEscap nao i givim, blong i help long fasilitetem wok blong ol ofisa blong dipatmen ia.
Mr Wong Oudum i talem se hem mo kampani blong i glad blong helpem dipatmen.
Donesen ia i kamaot long wan request we departmen i mekem i go long Ministri blong Foreign Affairs.
Minista Ralph Regenvanu, ol politikol advaesa mo ol staf blong hem oli bin stap blong fasilitetem mo witnessem handing ova blong ol laptop ia.