Lod meya blong Honiara, Andrew Mua i wantem luk se spot i mas kam antap long Solomon Islands mo Vanuatu.
Hemi mekem toktok ia long taem blong netbol faenol bitwin Port Vila mo Honiara City Council folem sista city rilesen we tufala i bin enkej long hem.
Mr Mua i enkarejem ol atlet blong Vanuatu blong mas plei oltaem spot blong keep helti mo fit oltaem.
Hemi talem laswan se hemi expektem blong risivim tim blong Port Vila wetem moa spot disiplin long Honiara, Solomon Islands long oltaem i kam.
Honiara mo Port Vila City kaonsel i bin part long ol selebresen aktiviti blong makem 38 yia blong indipendens blong Vanuatu.
Netbol kompetisen bitwin tufala kaonsel we i tekem ples long Port Vila las wik i lukim Honiara tim i winim.