Ol ni-Vanuatu woka we oli bin involv long Pasifik Sesenol Wokas Prokram long Australia, oli lonsem finis wan kleim blong olketa blong 10 milion Australian dolla mo hemi stret long 804 milion, 300,000 Vatu i ko long Federol Kot blong Austalia.

 Ol ni Vanuatu wokas ia oli fesem rabis kondison long wokples blong olketa long Australian Fam mo i kosem blad i ron long sorae, nos, ear mo sam jes mo hed blong olketa i soa.

 Ligol kleim ia i ko agensem foma Australian Leba hae employa from hemi pem  nogud olketa mo i tritim nogud olketa long fam.

 Valua Grahamm long ofis blong Vanuatu Nasenal Wokas Union long Port Vila i talem se ofis i help bikwan wetem ol otoriti long Australia blong mekem se Federol Kot blong Australia i putum long list blong hem deit blong harem kes ia.

Vanuatu Nasenal Wokas Union i redi blong sendem ol witnes sapos oli nidim olketa i ko bifo long Federol kot blong Australia.