Suprim Kot blong Vanuatu i sentensem Christian Vahirua long period blong 15 mo 6 manis long kalapus mo sentens ia kot i handem daon yestedei.
Rison blong sendemhemi ko long koreksenol senta long longfala period ia hemi from hemi konviketed long 7 kaons blong sexiol asolt long wan pikinini we hemi kat anda 15 yia.
Kot i talem se viktim ia hemi step-dota blong hem.
Kaen ofens ia i ko agensem 97 A (2)(d) blong Penal Kod Akt Cap 135.
Supirm Kot jaj, Andree Wiltens, i talem se maximam penalti blong kes ia hemi laeftaem Imprisonment mo hemi talem se hemi no save saspendem sentem blong Mr Vahirua.
Suprim Kot i givim 14 dei blong apilim kes blong hem sapos hemi no hapi long disison blong Suprim Kot long yestedei.