Indipendens Kap blong Women's Island Cricket long yia ia i gat wan niufala jampion.
Hemi Imaki mamas tim we i mekem fes apierens blong hem long Women's Island Cricket long yia ia mo oli mekem histri blong winim fes taetol ia.
Tim ia i bitim Sea-Side long semi faenol mo bukim ples blong hem long grand final.
Grand final blong yia ia hemi stap bitwin tufala niu tim we i joinem Women's Island Cricket, Beverly Hills mo Imaki mamas tim.
Imaki i winim Beverly Hills long 171 runs.
Imaki i kam niu wina blong Indipendens Kap taetol mo Beverly Hills i karem awod blong seken ples mo hemi mos impruv tim long 2017-2018 sisen.