Port Vila i luk fowod blong hostem wan intanasonal frenli match long manis Septemba yia ia.
Foma jampion klab blong Oceania Football, Auckland City FC i disaed blong kam plei two frenli olsem preparesen blong hem tuwods niu sisen blong olketa long New Zealand.
Presiden blong Vanuatu Football, Lambert Maltock i konfem se Auckland City i askem blong plei wan match akensem Galaxy FC we hemi niu kama long primia divisen mo nasonal tim we i winim gold medal long Pacific Mini Games.
Mr Maltock i se man we i stap okonaesem trip ia, David Firisua i talem se oli stap wok blong cost blong bigfala klab long rijen ia i kam long Port Vila long next manis.
Hemi pointemaot se okonaesa blong trip ia se oli proposem se fes frenli bae i tekples long namba 20 Septemba we hemi wan Tasde mo seken wan long namba 22 long Satede.
Auckland City i wantem plei wetem Galaxy mo testem aot Olympic seleksen blong Vanuatu, long tingting se bambae olgeta i scoutem tu sam potensol yang pleia blong oli save rikrutem olgeta.