Port Vila Football Association (PVFA) bambae i kick startem 2018-2019 Championship Season blong hem long 19 Septemba 2018.
Lik ofis i konfemem deit blong jampionsip ia long wan miting we hemi gat wetem ol klab blong hem long wik ia.
Hemi explenem long olketa se stat long namba 1 September bambae rejisteresen blong ol tim mo pleia i klos long dei ia mo oli redi blong oli plei long ol rispektif klab long ol long seken wik blong Septemba.
Long miting ia tu PVFA i askem strong long Vanuatu Football Federation (VFF) blong sabmitim long hem wan 2018/2019 kalenda blong oli traem plan insaed long kalenda ia mo hemi blong avoedem conflict long kompetisen.
Long saed blong VFF, oli agri blong wok wetem evri futbol asosiesen mo provaedem wan kalenda we bambae oli wok folem.
Niu futbol sisen ia i stat long 19 Septemba 2018 mo bae i end long manis Eprel 2019.