Lycee Louis Antoine de Bougainville i stap priperem hem fulwan naoia blong selebretem namba 50 yia Golden Jubili blong hem long manis ia.
Akting Prinsipol blong Lycée SKUL, Harry Anthony i konfemem se Golden Jubili blong Lycée bae i tekem ples start long namba 21 August kasem namba 24 August 2018.
Mr Harry Anthony i talem se selebresen bae i start wetem wan bigfala parade we bae i start from Saralana Park i kam long taon , Fatumaru Bay mo i ko kasem long Lycee bifo ofisol opening program bae i tekem ples.
Jeaman blong Skul Kansel, Jean François METMETSAN i stap  call i ko long evri EX-student blong Lycee LAB blong tekem part long ofisol parade ia.
Deputy Prinsipol blong Lycee LAB Dominique MOLSIR i explenem wan impoten seremoni we Malvatumauri National Kansel blong ol Jif bae i perfomem tu long taem blong Golden Jubili blong Lycee LAB olsem wan long ol main hilight tu.