Port Vila Minisipaliti Caonsel i stat wok wetem National Yut Kansel long yia ia mo hemi festaem blong tufala instituson ia i wok tuketa.
Lord Mayor blong Port Vila Municipal Kansel Albert Sandy Daniel i talem toktok ia taem hemi offisoli openem namba 7 edison blong International Yut Day long Korman Stadium long Port Vila.
Long toktok blong hem i go long ol younfala, hemi talem se Kansel blong PVMC i kat wan vision blong save buildim wan Youth senta we i save stap blong kivhan long ol nids blong ol Younfala long country.
Wetenm hemia hemi nidim plante wok mo plante discusion wetem Port Vila Yut Kansel, kavman, NGO's mo ol narafala agency we oli save sharem semak vision blong givhan long ol yunfala tete.
Opening blong International Yut day ia hemi open long yestete Wednesday 8 August 2018 mo by hemi end long 15 August 2018.
Long day two blong event ia long tete, by i kat plante activity we oli yut bae oli tekem part long hem.
Long closing remarks blong Lord Mayor Sandy Daniel, hemi talem se PVMC mo Kavman oli luk forward blong hostem olgeta yut long wik ia mo hemi wishim olgeta wan happy international Yut Day.