Suprim Kot blong Vanuatu i odarem liquideson blong pei televison, joen venja Vanua Digitol-media Limited.
Jastis blong Suprim Kot, Andree Wiltens i apoentem wan liguideta blong lukluk long waending-ap blong kampani ia long premises blong VBTC.
Vanuamadia hemi wan joen venja dijitol televison entiti we i involvem Chines CEKE Kopereson we i holem 51% mo Vanuatu Brodkasting mo Televison Kopereson VBTC i holem balans blong 49%.
Disison blong Suprim Kot i folem wan ligol akson we VBTC i karem aot blong waendemap Vanuamadia long ol graons se i no wok gud.
Afta we Suprim Kot i ridim kleim blong VBTC, Jaj Andree Wiltens i Odarem Vanuamadia blong i finis long opereson blong hem.
Loya Charles Hakwa i ripresentem Vanuamadia mo Loya Mark Hurley i ripresentem VBTC.