150 pipol blong East Ambae wetem spesel nid or ol disebol pipol wetem ol kea-teka blong olketa, oli kasem Luganville Santo long yestedei long MV Mahalia.
Nasenal Disasta Manejmen Ofis i ripotem se oli expektem namba ia bae i ko andap taem oli flaem olketa blong West Ambae i ko long Luganville long eroplen.
Jenda Protekson i sapotem Penama Helt Klasta mo ol laen ejensi blong Penema blong muvum ol pipol se oli nidim sapot i ko long ship mo travel wetem olketa i ko long Santo.
NDMO i talem se Jenda Protekson Klasta tuketa wetem Sanma Provins mo Luganville Minisipaliti i mekem ol temporeri shelta blong ol volnonerol grup ia long Shanghai Bilding hemi along Niscol whaf.
Bae oli usum bilding ia long shot-taem nomo taem shelta klasta i wok blong setemap ol tents long Sanma provinsol kompaon.
Tim blong Jenda mo Protekson Klasta oli stap long graon naoia. 3 long Ambae, 10 long Maewo mo 6 long Santo blong sapotem NDMO mo ol difren klasta long graon.