Ol mama long Papua Niu Ginea oli stap prea from healing blong Well-known, longtime Pasifik media mo foren korespondent blong Australia brodkasting koporesen, Sean Dorney.

Ripot we i kam long ABC tedei long moning i talem se ol woman long vilij blong wife blong hem, Pauline, long Manus aelan, oli stap prea blong askem GOD i healim Sean, we i kasem Motor Neurone Disease.

Sik ia emi wan bigfala grup blong sik we i stap kosem se man i no save muvmuv from ol neurons blong voluntari pat blong bodi i ded.

Hem i wan sik we i save kosem blong man i lusum laef blong hem.

Ripot we i kamaot long ABC i lukim Dorney i talem se folem medikol advaes, hem i gat samples 2 yia blong liv.

Dorney hem i stap long PNG sins ol eli 1970 mo long 1976 emi go bak long Australia wetem wife blong hem.

Hemi i wok olsem wan ABC korespondant sins 1979, mo hem i wok wetem plante long ol olfala lida blong Pasifik olsem ol fes lida blong independent Vanuatu, Solomon aelan, PNG, Fiji mo plante narafala.