Hemi impoten blong ol farmer i applyem mulching o grass, leaf o doty blong mekem graon i kolkol oltaem blong olgeta kakae long garen i save grow gud.

Hemi toktok blong Mathias Bule olsem Agriculture ofisa long Gudmorning Vanuatu show tedei morning long Radio Vanuatu.

Mr Bule i talem se Vanuatu i stap long El Nino season we sun i stap longtaem mo mekem ples i dry mo hemi impotan blong olgeta farmer i putum ol doty long olgeta root crop olsem Manioc, Kumala, Yam mo ol vegetable blong mekem se graon i rich i stap mo no affectem ol olgeta.

Hemi talem se hemi gud blong planem ol crop ya unda long ol bigfala tri we oli singaotem Agro-Forestry blong provaedem shade.

Mr Bule i talem se hemi nogud blong mekem garen i clia tumas be applyem mulching long hem from graon bae i stap kolkol oltaem.

El Nino season bae i stap blong nara two manis long kaontri.

Wan farmer i talem bigwan long olgeta advice we hemi arem tedei long morning blong save helpem hem.