Yasur volkeno hemi kontinu long Level blong meja anres state. Alet Level blong hem, I stap long Level 2.

Volkanik anres hemi kontinu long Yasur; Lukluk i stap se aktiviti blong volkeno bae hemi kontinu long sem level, we hemi konsistent long Volkeno Alet Level 2.

Eria blong risk long sefti blong man I stap insaet long Tabu Eria blong volkeno we hemi klos oltaem (No mas aksesem) mo hemi abaot 395 m raon long maot blong volkeno (Luk Sefti Map bilo). Ol obsevesen mo analisis blong ol sismik data long Okis 2018 oli konfemem se aktiviti blong volkeno hemi kontinu long level blong meja anres state mo i stap hapen insaet long creta. Volkeno i kontinu blong explose. Sam explosen oli strong yet mo ol stone blong volkeno oli save foldaon insaet mo/o raon long maot blong volkeno. Maot blong volkeno I stap sakem ol klaod we oli save gat gas mo sanbis insaet. Ol man bae oli save kontinu blong smelem gas blong volkeno taem oli stap klosap long caldera (eria blong volkeno) mo creta (eria raon long maot blong volkeno). Alet Level blong Yasur I bin stap long Level 2 since long 18 Oktoba 2016.

Ol obsevesen blong naoia oli konsistent long aktiviti blong Alet Level 2. Level 2 hemi indiketem ‘Bigfala Anres; Denja Eria i stap long 395 m raon long maot blong volkeno’. Yasur hemi volkeno we plenti man long world oli save long hem mo visitim long Vanuatu. Aktiviti blong hem I strombolienne mo hemi stap kontinu longtaem we Capten Cook I luk ol irapsen blong sanbis long yia 1774. Stael blong aktiviti ia hemi stap longtaem I kam.

Smol hil we volkeno I stap aktiv I stap insaet long eria blong Yenkahe mo hemi wan long ol yang holocenes volkeno (11 700 yia kasem tete) blong Vanuatu. Hemi wan reminda long everi tourisim indastri, lokol otoriti, ol pipol blong Tanna mo generol pablik blong no mas aksesem Tabu Eria blong volkeno we hemi abaot 395 m raon long maot blong volkeno. Stone, gas mo sanbis blong volkeno i stap oltaem long Eria ia (Luk Sefti Map bilo). Luk sefti map mo kaed blong visita blong Yasur volkeno long website: www.vmgd.gov.vu/vmgd/index.php/geohazards/volcano/volcano-info/resources .

Ol vilej klosap long volkeno oli save kasem impak blong gaz mo sanbis blong volkeno speseli olgeta we oli stap long direksen blong ol dominant win. Dipatment blong Meteorologi mo Geohazards I stap kontinu blong monitorem klosap aktiviti blong volkeno ia. Moa infomesen bae I kam aot taem hemi necessari. Dipatment blong Meteorologi mo Geohazards long Vanuatu Nasional Geohazads Obsevatori Telefone: (678) 24686, Fax: (678) 22310 Email: This email address is being protected from spambots. You need JavaScript enabled to view it. Website: http://www.vmgd.gov.vu Alet Bulletin blong Volkeno long Tanna N°06, 23 Okis 2018 Blong kasem moa infomesen, plis contaktem ofise blong Geohazards long Dipatment blong Vanuatu Meteorologi mo Geohazards.