Communication hemi wan long olgeta priority wok blong Telecommunication cluster we oli stap wok long hem naoia blong impruvum telecommunication long island blong Maewo.

Communication mo ICT ofisa blong NDMO we i stap long Maewo naoia, Bisly Tari, i talem se TVL tru long emergency telecmmunication cluster i stap wok hard naoia blong upgretem internet link blong Maewo blong mekem sure se i kat effective information exchange tru long internet.

Mr Tari i ripotem too se apart long TVL, Digicel too i stap wok haed blong buildim wan newfala tower blong hem long island blong Maewo.

Pipol oli nidim gud reception blong save communicate wetem ol nara family we oli evacuate out long ambae i go long nara island blong Vanuatu.

Emergency Operation Center blong Maewo, hemi aware long ol issue we ol evacuees oli raisem long island ia, mo telecommunication hemi wan long ol isu ia.