Koj blong Fiji Airways men's sevens tim, Gareth Baber i konfem se skipa, Jerry Tuwai bae i stap wetem tim blong narafala sisen.
Gareth Baber i se Tuwai i karem wan ofa long ovasi kontrak be hemi disaed blong stap mo part long nasonal tim long wol ragbi sevens series long next sisen.
Hemi se i toktok wetem Jerry Tuwai finis mo hemi talem se i gat fulap ofa we i kam long hem be hemi ting se bae i mas reprisentem kala blong kantri blong hem long sisen we i stap kam.
Mr Baber i se i gat samples long 4 pleia long nasonal ragbi sevens tim we bambae oli go plei mo mekem living blong olketa ovasi.
I gat wan pleia nomo blong Fiji sevens tim, Eroni Sau i stap plei long French Top 14 klab Perpignan.