Kakai tri kaen kakai i mekem olgeta man i stap healthy oltaem.

Hemi toktok blong Director blong Agriculture Departmen, Antoine Ravo long Gudmorning Vanuatu show tedei morning long Radio Vanuatu.

Hemi talem se long wik ya food security mo Agriculture cluster mo Wol Food program i stap provaedem kakae mo ol seedling i go long ol pipol blong Ambae long olgeta host communiti long saot mo Central Maewo.

Mo oli mekem sua se food security i maintain oltaem mo Wol Food program i stap mekem wan assesmen blong kam ap wetem ol medium mo long term plan blong food cluster i save addressem olgeta nid we i stap.

Team i encouragem olgeta man blong must washem hand mo no kakae rice nomo be olgeta greens tu.

Director Ravo i talem se from greens i wan sos blong protein so i mekem oli handem aot ol vegetable seeds blong olgeta pipol i planem.

Hemi talem se olgeta jif mo ol lida i wok wetem Agriculture mo ol health authority especially ol nutritionist blong no provaedem fish from plante fish i poison.

Mo oli no wantem givim kakae we bae i affectem olgeta bakegen.

Long nara news, National Agriculture wik i on long wik ya mo Director Ravo i stap encourage olgeta farmer mo even pablik blong ko long Agriculture departmen blong save tekem ol information.