Faea Hazard hemi danger especially taem kaontri i stap long dry season period.

Wan concern citizen long aelan blong Malekula i voicem concern blong hem afta we wan inciden blong fire i break aot long aria blong Norsup Airport, las wik.

Long inciden i lukim faea i laet bigwan long saet blong runway be lucky nomo se China Civil Engineering Construstion Compani(CCECC) i kam blong stoppem.

Concern citizen ya i talem hemi impoten blong no pleple long faea from hemi danger tumas mo samtaem olgeta pipol i sakem filter blong cigarette we i laet i stap mo i cosem ol inciden olsem.

VBTC news i toktok wetem wan Fire Departmen ofisa long kaontri mo hemi se Vanuatu i stap long dry season mo hemi no stret nomo blong stap pleple wetem fire.

Hemi stressem se sapos wan man i laetem faea i must mekem sua se hemi stap watchem mo no kasem wan samting we i laet ariap.

VBTC news i toktok wetem olgeta long CCECC mo oli confirmem se oli receivem call i kam long ol local blong Malekula blong go stoppem faea ya.

Grass nomo i bin laet mo So far i nokat eni bigfala damage we faea i cosem long taem ya.