Palamen blong Vanuatu i kat wan Niu Klak.

Hemi Mr Raymond Manuake blong Emae, we hemi foma Consul General blong Vanuatu long New Caledonia.

Hed blong Steit, President Obed Moses Tallis i mekem official apointment blong Mr Manuake long tedei morning long State Nakamal long Port Vila.

Niu Klak, Mr Manuake i mekem oath blong allegiance mo professional oath long tedei morning long foret blong Attorney General, Kiel Loughman.

Mr Manuake i kat kontrakt blong 5 yia.

Olketa we oli witnesem official seremoni ia hemi includim Spika blong Palemen, Esmon Saimon, Deputi Praem Minista, Bob Loughman, Lida blong opposition, Ismael Kalsakau, MP blong Efate Rural, Jerry Kanas.

Posisen blong Klak blong palemen ibin empti sins long 17 Novemba, 2015, taem we Klak blong palemen long taem ia, Louis Kalnpel ibin risain long posisen ia.

Mo long taem ia kasem long yestedei 23 August 2018, ibin kat wan Akting Klak, Leon Teter.

Mr Manuake i hemi namba tri Klak long palemen blong Vanuatu.

Fes wan hemi Lino Saksak long 1983 kasem 2013, mo nambatu hemi Louis Kalnpel long 2013 kasem long 2015.

Vanuatu Palemen Bod nau ibi apointem Mr Manuake mo Presiden blong Vanuatu i mekem final approval long hem.