Long English Premier League,

Chelsea i winim Newcastle long namba primia lik match blong hem long 2-1 long yestede.

Eden Hazard i star pleia blong Chelsea long match ia.

Waford FC i menteinem 100% rikod wetem 2-1 home viktri ova long Crystal Palace.

Long saed blong Fulham, hemi kleimem fes win blong hem long sisen afta long 4-2 viktri akensem Burnley Rovers.

Defending champions, Manchester City i endem perfect start long primia lik difens wetem 1-1 draw wetem niu kama, Wolverhampton Wanderers.

Arsenal i kam bak afta long two lus mo winim West Ham long namba 3 jampionsip match blong hem.

Liverpool i bitim Brighton long 1-nil i mekem se hemi topem klasmen afta long 3 match oli pleim mo winim.

Mo Leicester City i kam bihaen long sko mo winim Southampton long 2-1.