Long intanasonal ragbi jampionsip,

New Zealand All Blacks i aotem Australian Wallabies long 40-12 long return leg blong Bledisloe Cup faenol long Eden Park long Sarere las wiken.

Win blong All Blacks ia i extendem taem we hemi holem taet Bledisloe Cup i go antap long 16 yia.

Star pleia blong match ia hemi five-eight maestro blong All Blacks, Bauden Barrett we hemi skorem 4 try.

Long nara storian, Black Ferns woman ragbi tim blong New Zealand i bitim Australia long wan sko blong 35-14 long las wiken.

Long nara ragbi jampionsip match we i tekem ples las wiken, Argentina i bitim South Africa long 32-19.

Nicolas Sanchez i displeim aotstanding pefomens long kem we hemi lid i go blong putum wan try, three conversation, wan penalty mo wan drop goal blong mekem saed blong hem i kleimem viktri akensem foma wol jampion.

Ripot i talem se aot long 35 games we ol Puma i pleim hemi namba 4 jampionsip match oli winim.

Ripot i talem se stat long 1986 kasem long 2018, All Blacks i neva lusum wan ragbi match we hemi pleim long home graon long Eden Park hemia long Auckland.

Long saed blong Australia hemi gohed blong lusum match long stadium ia sins long 1986.