Niufala kama long primia divisen blong Port Vila , Galaxy Football Club i welkamem long yestede naet, niufala impot pleia we hemi kam long Brazil long saot Amerika.

Hemi straeka Olivero Dos Santos we i gat 19 yia mo manejmen blong Galaxy FC i welkamem hem long eapot.

Long araevol blong hem, Olivero Dos Santos i talem tankio long manejmen blong klab blong kivim opotunity hem blong kam plei long Vanuatu.

Presiden blong Galaxy FC, Jackson George i aknolejem komitmen blong pleia konsen mo hemi asurem hem se bambae hemi enjoim plei wetem klab.

Dos Santos i namba 3 futbol pleia blong Brazil we i joinem Galaxy FC mo bae hemi atendem fes trening sesen long midel dei tedei.