Long OFC Women Nations Cup,

Resis bae i gohed bageken tede bitwin Fiji, American Samoa, Solomon Islands mo Vanuatu long OFC Nations Cup kualifaea we i stap tekem ples long Fiji.

Long Fraede las wik, Fiji i winim Pacific Mini Games gold medalist, Vanuatu long 5-1 mo Solomon Islands i bitim American Samoa long 2-0 long opening match blong tunamen.

Long tede aftanun bambae Fiji mo Solomon Islands i mit mo Vanuatu bambae i tekemap American Samoa.

Vanuatu i stap lid long 1-0 akensem American Samoa naoia.

Hemi raon robin futbol tunamen mo tim we i gat moa poin bambae hemi advans i go long seken steij blong Nations Cup kompetisen long New Caledonia.