Kavman blong China thru long niufala Ambassda blong hem long Vanuatu i assurem kontinu sapot blong hem long Vanuatu.

Ambassda Zou HAICHENG i talem se bai hemi kontinu long ol wok we foma Ambassda i bin mekem long benefit blong ol pipol blong Vanuatu.

Hemi talem se China hemi lukium Vanuatu olsem wan gud mo longtaem fren mo bai i kontinu blong help long ol development long kantri especially long infrastructure.

Mr HAICHENG i talem se China i respektem soverenity blong Vanuatu, mo hem olsem Ambassda bai i wok wetem Vanuatu long mutual respect mo wan strong cooperation.

Hemi assurem Vanuatu kavman se bai China mo Vanuatu bai i wok tugeta folem partership we i stap finis.