Namba 11 European Divelopmen Fand - EDF 11, bambae i givhan long pravet sekta olsem Maekro, Smol mo Medium saes entapraes we oli stap long valiu jen.

Ol valiu jen ia hemi frut mo vejitebol, kokonat mo buluk.

Vanuatu Jemba blong komes mo indastri i ripotem se bambae 20 milion Vatu oli givim blong mekem ol projek ia long period bitwin end blong 2018 kasem 2023.

Gavman ministri we bae i karem aot EDF-11 hemi ministri blong agrikalja, laefstok, forestri, fisari mo bae-sekuriti, mo ministri blong turisim, tred, komes mo ni-Vanuatu bisnis, mo ofis blong praem minista.

Ripot i talem se ol pravet sekta mo i no save benefit darekt long fanding ia, be bambae pablik sekta i proposem, lidim mo implementem projek we ol pravet sekta i tekem pat long hem, blong benefit long EDF-11