Long kriket nius,

Papua New Guinea i menteinem klia lid long East-Asia Pacific Twenty20 Qualifier tunamen afta long tufala match we i tekem ples long [yestede] long Albert Park long Suva, Fiji.

PNG i winim namba 3 mo pospon match blong hem akensem Vanuatu long 81 runs.

Hemi namba 3 konsekutiv match blong Vanuatu nasonal kriket tim we hemi lusum mo hemi gat tri last kem blong pleim [tede] tusde moning mo long aftanun mo long wednesde.

Long match ia PNG i rejistarem 239 runs 2 wickets mo 20 overs mo Vanuatu i all out long 158 runs nomo.

Risal blong nara match, host neisen, Fiji i winim Samoa long runs difrens.

Samoa i mekem wan total blong 130 runs long 20 overs mo Fiji i ronem skolaen ia mo manej blong mekem 139 runs 8 wickets mo 20 overs.

Prokram blong tusde Vanuatu vs Fiji long moning, long aftanun bambae Vanuatu i plei Samoa mo PNG i plei Fiji.