Television blong Vanuatu [ TBV ] bae i brodkastem laef ol premier division match blong Spanish League [ La Liga ] stat long tete moning tusde 28 Okis 2018.

La Liga i wan long olketa strongest futbol lik long Europe mo futbol sisen blong hem i stat long las 2 wiks mo Television blong Vanuatu i provaedem opotunity bageken blong pipol i enjoim hae level futbol kompetisen.

Tufala match we bae i live long TBV tumoro moning, hemi Levante vs Celta Vigo long 5'15am mo Athletico Bilbao vs Huesca FC long 7 o'klok long moning.

Long Satede we i stap kam long 5am, Getafe vs Valladodid, Villarreal i plei Girona mo Eibar vs Real Sociedad FC FC long 7'00am.

Draw blong Sande 2nd September, long 1'15am bae Celta Vigo i plei Atletico Madrid, 3'30am, Rayo Vallencano vs Athletico Bilbao, Real Madrid vs Leganes long 5'45am.

I gat wan match nomo long Sande naet stret long 9 oklok bitwin Levante mo Valencia.

Laenap blong ol match long Mande next wik, Alaves vs Espanyol long 1'15am, Barcelona vs Huesca long 3'30am mo Real Betis i plei Sevilla long Mande 5'45am long eli moning.

Television blong Vanuatu [ TBV ] bambae i brodkastem live ol futbol match blong Spanish League/ La Liga stat long tete tusde moning.