Dipatmen blong Faenans mo tresari long Port Vila i ripotem se grot long sekta blong agrikalja i slo from praes blong ol kash krop i drop.

Otoriti ia i talem se ol bikfala komoditi olsem kopra mo kokoa oli damej long taem blong saeklon Pam.

Ripot i talem se andap long saeklon pam, praes blong kopra i drop long 45,000 Vatu long wan tan, i ko daon long 23,000 Vatu long Santo, mo 19,000 Vatu long wan tan long ol nara rurol eria.

Praes blong kokoa i stap semak long eli 2018, be quantiti i drop from situeson blong weta i afektem prodakson blong kokoa.

Ripot i talem se saeklon Hola i damejem ol kokonat mo kokoa tri long Malekula espeseli long metensel kokoa planteson mo bae i tekem longfala taem blong ol tri ia oli rikava mo karem plande frut bakegen.

Dipatmen blong Faenans mo Tresari i ripotem se volkenu erapson long Ambae i spoelem saplae-jen blong kopra prodakson mo oli expektem ovarol kopra prodakson i drop.

Kofi prodakson i stap long semak level mo oli expektem blong i ko andap long yia 2018 blong sapotem dimen we i stap naoia long Vanuatu mo long ovasi.