Edukeson long saed blong gud mo helti kakae hemi wan tul blong faet agensem Non-komunikebol disis NCD long Vanuatu.

Wan memba blong Vanuatu Jemba blong komes mo indastri. Carolyne Ernst i bin talem toktok ia folem pravet sekta daelok miting we i bin sidaon long Aucklnad, New Zealand long eli manis ia.

Ms Ernst, i talem se pravet sekta i save givhan blong daonem reit blong NCD long Vanuatu.

Hemi talem se kos blong NCD i hapen long plande samting long Vanuatu be tijing blong usum helti kakae long hom hemi impoten blong katem daon NCD long Vanuatu.