Kavman blong China i kivim wan help bagegan blong helpem ol pipol blong Ambae we oli muv aut long aelan blong olketa, folem erapsen blong Manaro volkeno.

Kavman blong China i kivim ova long 3.3 million vatu long humanitarian help iko long pipol blong Ambae.

Help ia, Niu Ambasada blong China long Vanuatu, Zou HaiCheng i handem ova iko long Praem Minista, Charlot Salwai Tabimasmas long yesterdei, long kotesi visit we hemi mekem iko long Praem Minista.

Hemi asurem Praem Minista se bae hemi ko hed blong holem tait gud working relationship we ol foma ambasada ibin mekem long Vanuatu, kasem tedei.

Praem Minista Salwai i welkamem niu Ambasada ia, mo konfirmem bagegan stand blong Vanuatu blong ko hed blong sapotem One China Polisi.